ജര്‍മ്മിക്ക് വീണ്ടും സാമ്പത്തിക തിരിച്ചടി; ജിഡിപി വളര്‍ച്ചാ ിരക്ക് ഒ.ഇ.സി.ഡി വീണ്ടും വെട്ടിക്കുറച്ചു

ബര്‍ലിന്‍: ജര്‍മ്മനിയില്‍ തുടരുന്ന സാമ്പത്തിക പ്രതിസന്ധികള്‍ക്ക് ആക്കം കൂട്ടി അന്താരാഷ്ട്ര സാമ്പത്തിക സംഘടനയായ ഒ.ഇ.സി.ഡി (OECD). ഈ വര്‍ഷം ഇത് രണ്ടാം തവണയാണ് യൂറോപ്പിലെ ഏറ്റവും വലിയ സാമ്പത്തിക ശക്തിയായ ജര്‍മ്മനിയുടെ സാമ്പത്തിക വളര്‍ച്ചാ പ്രവചനം സംഘടന വെട്ടിക്കുറയ്ക്കുന്നത്. ബുധനാഴ്ച പുറത്തുവിട്ട ഏറ്റവും പുതിയ സാമ്പത്തിക അവലോകന റിപ്പോര്‍ട്ടിലാണ് (OECD Outlook) ജര്‍മ്മനിയുടെയും ലോകരാജ്യങ്ങളുടെയും ജി.ഡി.പി (GDP) നിരക്കുകള്‍ കുറച്ചതായി വ്യക്തമാക്കുന്നത്.

ഇറാന്‍ യുദ്ധവും വിപണിയിലെ കടുത്ത വിലക്കയറ്റവുമാണ് (Inflation) ഈ പുതിയ പ്രതിസന്ധിക്ക് കാരണമായി ചൂണ്ടിക്കാണിക്കപ്പെടുന്നത്.

ജര്‍മ്മനിയുടെ വളര്‍ച്ചാ നിരക്കിലെ ഇടിവ് ഇങ്ങനെ:

2026~ലെ കുറവ്: ജര്‍മ്മനിയുടെ ആഭ്യന്തര ഉത്പാദന വളര്‍ച്ച (GDP Growth) ഈ വര്‍ഷം (2026) വെറും 0.7 ശതമാനം മാത്രമായിരിക്കുമെന്നാണ് ഒ.ഇ.സി.ഡി പ്രവചിക്കുന്നത്. കഴിഞ്ഞ ഡിസംബറില്‍ ഇത് 1.0 ശതമാനവും, മാര്‍ച്ചില്‍ 0.8 ശതമാനവുമായിരുന്നു പ്രവചിച്ചിരുന്നത്. അതില്‍ നിന്നുമാണ് ഇപ്പോള്‍ വീണ്ടും കുറവ് വരുത്തിയിരിക്കുന്നത്.

2027~ലെ ഇടിവ്: പ്രതിസന്ധികള്‍ നീളുന്നതിനാല്‍ അടുത്ത വര്‍ഷത്തെ (2027) ജര്‍മ്മനിയുടെ വളര്‍ച്ചാ പ്രവചനം 1.5 ശതമാനത്തില്‍ നിന്നും 1.1 ശതമാനമായി സംഘടന കുത്തനെ കുറച്ചിട്ടുണ്ട്.

പ്രതിസന്ധിക്ക് പിന്നിലെ കാരണങ്ങള്‍:
ഇറാന്‍ യുദ്ധത്തെത്തുടര്‍ന്ന് ഊര്‍ജ്ജ വില (Energy prices) വീണ്ടും ഉയരുന്നത് ജര്‍മ്മനിയിലെ സാധാരണക്കാരുടെ വ്യക്തിഗത ഉപഭോഗത്തെയും വിപണിയിലെ വലിയ നിക്ഷേപങ്ങളെയും ദോഷകരമായി ബാധിക്കുന്നുണ്ടെന്ന് ഒ.ഇ.സി.ഡി വിദഗ്ദ്ധയായ ഇസബെല്‍ കോസ്കെ വ്യക്തമാക്കി. സാമ്പത്തിക രംഗത്തെ അനിശ്ചിതത്വം വീണ്ടും വര്‍ദ്ധിച്ചിരിക്കുകയാണ്. എന്നാല്‍, രാജ്യത്തെ പൊതു നിക്ഷേപങ്ങളും പ്രതിരോധ മേഖലയ്ക്കായുള്ള ഉയര്‍ന്ന ചെലവിടലും (Defense spending) ജര്‍മ്മന്‍ സമ്പദ്വ്യവസ്ഥയ്ക്ക് നിലവില്‍ ചെറിയൊരു ആശ്വാസം നല്‍കുന്നുണ്ടെന്നും റിപ്പോര്‍ട്ട് വ്യക്തമാക്കുന്നു.

ആഗോള സാമ്പത്തിക വളര്‍ച്ചയും ഇന്ത്യയുടെ മുന്നേറ്റവും:
ജര്‍മ്മനിയില്‍ മാത്രമല്ല, ആഗോളതലത്തിലും സാമ്പത്തിക മാന്ദ്യം പ്രകടമാണ്. ആഗോള ജി.ഡി.പി വളര്‍ച്ചാ പ്രവചനം ഒ.ഇ.സി.ഡി 3.4 ശതമാനത്തില്‍ നിന്നും 2.8 ശതമാനമായി കുറച്ചു.

എങ്കിലും ആഗോള റാങ്കിംഗില്‍ വന്‍ കുതിപ്പുമായി ഇന്ത്യ ഒന്നാം സ്ഥാനത്ത് തുടരുന്നത് പ്രവാസി സമൂഹത്തിന് വലിയ ആഭിമാനമാണ്. ഒ.ഇ.സി.ഡി പ്രവചിക്കുന്ന വിവിധ രാജ്യങ്ങളുടെ 2026~ലെ വളര്‍ച്ചാ നിരക്ക് താഴെ നല്‍കുന്നു:

ഇന്ത്യ: 6.3%
ചൈന: 4.5%
അമേരിക്ക (ഡടഅ): 2.0%
കാനഡ: 1.2%
നെതര്‍ലന്‍ഡ്സ്: 1.0%
ജര്‍മ്മനി: 0.7%

യൂറോപ്പിലെയും ജര്‍മ്മനിയിലെയും തൊഴില്‍ വിപണിയെയും പ്രവാസികളുടെ ബിസിനസ്സ് മേഖലകളെയും ബാധിക്കുന്ന സാമ്പത്തിക ചലനങ്ങളെ ജര്‍മ്മന്‍ ഭരണകൂടം എങ്ങനെ നേരിടുമെന്നാണ് സാമ്പത്തിക വിദഗ്ദ്ധര്‍ ഉറ്റുനോക്കുന്നത്.